Босниянын чыгышындагы Братунац шаарында бир нече миң киши аза күтүү жөрөлгөсүнө катышты. Алар 1990-жылдардын башында Балкан согушунда набыт болгон үч миңден ашуун сербди эскеришти. Ишембиде (11-июлда) Сребреницада 20 миңден ашуун киши чогулуп, 14 жыл мурда набыт болгон 534 адамдын сөөгүн жайына беришти. 1990-жылдары Босниядагы этникалык араздашуу 100 миң кишинин өмүрүн алып кеткен.
