Тегерандан коңшулаш Армениянын борбору Ереванга бараткан учак Ирандын түштүк-батыш тарабындагы Казвин шаарынын четине кулады. ИРНА маалымат агенттиги Казвин шаарынын өзгөчө кырдаалдар кызматынын башчысына шилтеме берип, учак бүт бойдон талкаланып-бүлүнүп, андагы кишилердин баары мерт болгонун маалымдады. Каспий аба жолдору кампаниясына таандык ТУ-154 учагында бараткандардын көбү Армения менен Грузиянын жарандары болгону кабарланууда.