Мындай пикирин кечээ президент Курманбек Бакиев “Нью-Йорк таймс” гезитинин суроосуна жооп берип жатып билдирди. Бакиев коомдук-саясий кырдаал шайлоого чейин да шайлоодон кийин да тынч болоруна ишенет. Ошол эле мезгилде кечээ “Улуу биримдик” партиясынын лидери Эмил Каптагаев белгисиз адамдардан катуу токмок жегенин билдирип, бул үчүн бийликти айыптады. Ошондой эле оппозициялык лидерлер БЭК сүрөп жаткан талапкер Алмаз Атамбаев Жалал-Абадда нервди шал кылуучу зат менен ууландырылган, оппозициялык саясатчыларды жок кылуу аракеттери көрүлүүдө дешти. ИИМдин маалымат катчысы бул боюнча эч кандай арыз түшпөгөндүгүн билдирди. (BuS)
