Румыниянын президенти Траян Бэсеску апрелде Кишиневдо орун алган башаламандыктар - Молдованын жаш мууну саясатта өзгөрүүлөрдү каалаганынан кабар берет деп билдирди. “Эркин Европа/Азаттык” үналгысына курган маегинде румын президенти Молдовадагы башаламандыктарга Румыниянын тийешеси болбогонун ырастады. Өз сөзүндө Траян Бэсеску Кишиневдогу окуяларды 1989-жылы Румыниядагы коммунисттик бийликке каршы көтөрүлүшкө окшоштурду. Румынияда ошол жылы болгон козголоңдо диктатор Никола Чаушеску бийликтен кеткен.