Ф15 учагы бүгүн эртең менен өлкөнүн чыгышында кыйраганын АКШнын армиясынан кабарлашты. Армиянын маалымат кызматы кыйроо душманчыл октон болгон жок деген ишенимин билдирди. Бүгүн ошондой эле түштүктөгү Забул дубанында жанкечтинин кол салуусунда үч ооган аскери жан таслим болду. Ал эми кечээ Түштүк Ооганстандагы бомба жардырууларынан 12 кишинин набыт кеткени кабарланды. Каза тапкандардын арасында бир британ аскери жана беш жаш бала болду.
