АКШнын коргоо министри Роберт Гейтс кийинки жылдын жай мезгилине чейин Ооганстандагы аскердик операция натыйжа бериши керектигин билдирди. “Лос-Анжелес Таймс” (Los Angeles Times) гезитине курган маегинде Пентагондун башчысы талиптер менен күрөш узакка созуларын белгиледи. “Бирок алдыдагы 12 ай аралыгында кырдаал жакшы жагына өзгөрбөсө, америкалык коомчулуктун колдоосу азайышы ыктымал” деди Роберт Гейтс. Коргоо министри Ирактагы тажрыйбадан кийин АКШда эч ким аягы көрүнбөгөн узак мөөнөттүү өнөктүккө катышууну каалабарын белгиледи.
