Кыргызстанда 23-июлда өткөн президенттик шайлоонун ырасмий жыйынтыктарын күтпөй эле коңшу Тажикстан, Өзбекстан, Казакстандын президенттери учурдагы президент жана президенттикке талапкер Курманбек Бакиевге куттуктоолорун жолдошту. Азырынча башка өлкө башчылары К.Бакиевди жеңиши менен куттукташа элек. Айрым адистер буга карата ой-пикирлерин айтып, шайлоонун ырасмий жыйынтыктары чыга электе эле коңшу президенттердин куттуктоо жөнөтө башташканы туура эмес экендигин айтышууда. Эскерте кетсек, президенттик шайлоонун толук жыйынтыгын БШК эртең жарыяламакчы. (IJz)
