“Демократия жана жарандык коом үчүн” биримдигинин Нарын району боюнча координатору Адилет Эшеновдин айтымында, 7 участокту анализ кылып көрүшкөндө, байкоочулар алып келген протокол менен райондук шайлоо комиссиясынан алынган протоколдордо айырма бар болуп чыккан. Аталган уюмдун протоколу боюнча талапкер А. Атамбаевден 846 добуш уурдалып, К. Бакиевге 248 добуш кошулуп калган. “Бул боюнча арыз берели деп барсак облустук шайлоо комиссиясынын төрайымы менен катчысы Бишкеке кетиптир, калган мүчөсүнө эскерткенибизге карабай кеңсеси бек. Биз бул боюнча акт түздүк”,- дейт А. Эшенов. (JI)
