Иран маалымат каражаттарынын кабарлоосуна караганда, президенттик шайлоодон кийин башталган нааразылык акцияларынын айрым катышуучуларынын үстүнөн сот башталды. Фарс агенттиги бүгүн соттолуп жаткадардын арасында экс-вице-президент Мохаммад Али Абдахи, тышкы иштер министринин мурдагы орун басары Мохсен Аминзадех жана мурда жогорку кызматтарды ээлеп келген бир катар башка саясатчылар бар деп билдирди. Аларга зомбулукка тукуруу, тополоңго катышуу, антиреволюциячыл топтор менен байланыш түзүү деген айып тагылууда.
