Бул туурасында Москва районунун акими Кубанычбек Сыйданов “Азаттыкка” билдирди. Анын айтымына караганда, учурда Петровка айылынан көчүп кеткен күрт улутундагылардын саны күн сайын өсүүдө. Акыркы үч айдын ичинде 20дан ашык үй-бүлө толугу менен көчүп кетишсе, алардын 17cи үйлөрүн сатышкан. Көчүп кеткен күрт үй-бүлөлөрүнүн бири Жалал-Абад облусуна, калгандары Орусияга кеткени айтылууда. Үстүбүздөгү жылдын 26-апрелинде Петровка айылынынын кыргыз, орус улутундагы тургундары айылдагы күрт үй-бүлөлөрүнүн көчүп кетүүсүн талап кылышып, башаламандык орун алган. Окуянын чыгышына төрт жашар кыздын зордукталышы себеп болгон. (JJ)
