Түштүк Осетиянын президенти Эдуард Кокойты мындай чечим Грузия тараптан чагымчыл аракеттердин күч алып жатканы менен түшүндүрдү. Кечээ (4-августта) Түштүк Осетиядагы орус жоокерлери аймактагы кырдаал курчуду деген жүйө менен жогорку аскердик даярдыкта тургандыгы кабарланды. Орусия Грузияны чек арада чагымчыл аракеттерди жасап жатат деп айыптоодо. Грузия мындай дооматтар менен макул эмес.
