Ява аралында коопсуздук күчтөрү 16 саат бою аңдып турган үйгө чабуул коюшкан. Жергиликтүү маалымат агенттиктери окко учкан үч жикчинин бири бийликтер көптөн бери издеп, негизги террорист деп атап келишкен Нурдин Мухаммад Топ болгонун айтышууда. Бирок анын өлүмүн бийликтер ырастай элек. Өзү малайзиялык Нурдин Индонезияда көптөгөн террор чабуулдарын уюштурганы айтылган.
