Бүгүн кыргыз диаспорасынын сегизинчи эл аралык Бишкек конференциясы болот. Бул иш-чарада эмгек мигранттарынын “Замандаш” эл аралык ассоциациясы Кыргызстандын бийлик түзүмдөрү менен чогуу миграциянын кесепеттерин, келечегин талкуулап, жаңы багыт кабыл алат деп күтүлүүдө. Конференцияга Орусия, Казакстан, Түштүк Корея, Өзбекстан, Кытай, Түркия, Египет өңдүү мамлекеттерде жашап, иштеген кыргыз диаспораларынын, Кыргыз өкмөтүнүн тийешелүү тармактарынын, Орусиянын миграция кызматынын, эл аралык уюмдардын, ишкер чөйрөнүн өкүлдөрү катышаары кабарланды. (BuS)
