Хосни Мубарак бүгүн Вашингтондо АКШнын Мамлекеттик катчы Хиллари Клинтон баштаган өкмөт адамдары менен сүйлөшүүлөрдү өткөрөт. Ал эми президент Барак Обама менен эртең кездешмекчи. Бул - эки лидердин Ак үйдөгү алгачкы жолугушуусу болот. Ал эми жалпысынан алар акыркы бир нече айдын ичинде ушуну менен үчүнчү ирээт кездешүүдө. Президент Барак Обама Жакынкы Чыгышта токтоп калган тынчтык жараянын алдыга жылдыруу - анын өкмөтү артыкчылык берген маселе экенин кызмат мөөнөтүнүн башталышында эле атаган.
