Египет менен тогошкон чек аранын жанында Израилдин жоокерлери египеттик полициячыга ок атышты. Полициячы оор жараат менен ооруканага жеткирилди. Израил армиясынын командачылыгы тараткан билдирүүдө полициячы чек арага өтө жакын аралыкка келген үчүн жоокерлер алгач абага ок ачып, андан кийин аны атканы айтылат. Бул окуяны эки тараптан тең адистер кирген атайын комиссия изилдей турган болду.
