Ооганстанда шайлоо күнү НАТО командачылыгынын алдындагы эл аралык күчтөр талиптерге каршы чабуулун убактылуу токтотот. Коалиция күчтөрүнүн командачылыгынын маалымдашынча, 20-августта жайкын тургундардын коопсуздугун камсыз кылуу боюнча чаралар гана кабыл алынат. Буга чейин ооган президенти Хамид Карзай шайлоо күнү талиптерди элдешүүгө чакырган.