Орусия менен Украинанын премьер-министрлери эки өлкөнүн бузулган мамилеси уланып жаткан кездеги телефон сүйлөшүүсүндө эки тараптуу байланыштардын графигин талкуулашкан. Расмий маалыматтарга караганда, Путин менен Тимошенкону коңшу Польшанын премьер- министри Дональд Туск 1-сентябрда Польшада жолугушуу өткөрүүгө чакырган. Бул аралыкта украин президенти Виктор Ющенко саясий чыңалууну басаңдатуу үчүн орусиялык кесиптеши Дмитрий Медведевди өз ара диалогду күчөтүүгө чакырды. Ушул айдын башында Медведев Украинанын жетекчилигин “антиорусиячыл” деп атап, Орусия менен экономикалык байланыштарды үзгүлтүккө учуратууну көздөгөнү үчүн айыптаган.
