Ал эми тергөөнүн материалдары таанышуу үчүн кармалгандарга 20-августа берилди. Бул тууралуу адвокат Сартбай Жайчыбеков “Азаттыка” билдирди. 23-июлда президенттик шайлоо күнү Ысык-Көл облусунун айрым тургундары таза шайлоону талап кылып, Балыкчы шаарынын мэриясына чогулушкан. Ал жерде милиция менен кагылышуу орун алып, акциянын катышуучуларынын бир тобу кармалган. Алардын ичинен 14 адамга каршы конституциялык түзүлүштү бузууга аракет жасаган деген айып коюлуп, кылмыш иши козголгон. Оппозиция мындай айыптоолорду четке кагууда.(AiT)
