Линктер

шаршемби, 20-сентябрь, 2017 Бишкек убактысы 10:13

Лондон Меграхиге байланыштуу нааразылыгын билдирди


Британиянын тышкы иштер министри Дэвид Милибанд 1988-жылы Локербиде учактын жарылуусуна тийешеси бар адамды Ливия чоң урмат менен тосуп алганына терең нааразылыгын билдирди. Милибэнд Абделбасет Али ал-Меграхи Британия менен Ливия ортосундагы мамилелерди жакшыртуу үчүн бошотулган деген жоромолдорду четке какты. Маалым болгондой Ливиянын Чалгын кызматынын мурдагы кызматкери Абделбасет Али ал-Меграхи Шотландиянын Локерби жергесиндеги 1988-жылдагы жүргүнчү учактын жарылуусуна тийешеси бар деген айып менен өмүр бою эркинен ажыратылып, Шотландияда түрмөдө отурган. Кечээ (20-августта) ал рак оорусунун өтүшүп кеткенине байланыштуу эркиндикке чыгып, Ливияга кайтып келди. АКШнын президенти Барак Обама Меграхинин абактан бошотулушун “ката” деп баалады. 1988-жылы Локерби шаарчасында америкалык учактагы жарылуудан 270 киши набыт болгон.

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG