Бишкектеги Токтогул Сатылганов атындагы улуттук филармонияда өлкө эгемендүүлүгүнүн 18-жылдыгына карата салтанаттуу жыйын болду. Ага мамлекет башчысы Курманбек Бакиев катышып сөз сүйлөдү. Өз сөзүндө президент Кыргызстан калкын эгемендүүлүк майрамы менен куттуктап, жыл башында жарыяланган жаңылануу багытын ишке ашырарын, улуттук мурастарды сактаган, укуктук жана экономикасы бакубат мамлекет курууга аракет жасаларын белгиледи. Салтанаттуу жыйын искусство чеберлеринин концерти менен коштолду.Эгемендүүлүк майрамы бүгүн аянтарда, жер-жерлерде оюн-зооктор менен коштолот.(AiT)
