Социал-демократиялык фракциянын мүчөсү, Жогорку Кеңештин депутаты Мурат Жураев депутаттык мандатын тапшырды жана Социал-демократиялык партиянын катарынан чыгарын билдирди. Бул тууралуу М.Жураев бүгүн “Азаттыка” билдирди. Маалыматка караганда, М.Жураев депутаттык мандатын жана Жогорку Кеңештеги иш бөлмөлөрүн ишемби күнү тапшырды. Мындай чечим кабыл алууга партия жетекчилигинин өтө радикалдуу багытты көздөп, бийликти кетиребиз деген аракеттери себеп болгонун, ал өзү конструктивдүү оппозиция болууну жактаарын кошумчалады. (AiT)
