Түркия менен Армения дипломатиялык алакаларды түзүү боюнча сүйлөшүүлөрдү баштоо тууралуу макулдашты. Бул тууралуу Түркиянын Тышкы иштер министрлигинин басма сөз өкүлү Бурак Өзүгергин билдирди. Армения 20-кылымдын башында Осмон имериясы Биринчи дүйнөлүк согуш маалында жана андан кийин 1 жарым миллион армянды массалык өлтүргөн деп ырастап келет. 1991-жылы Түркия Армениянын көз карандысыздыгын биринчилерден болуп тааныган. Бирок бул эки өлкө эч качан дипломатиялык мамилелерди түзгөн эмес. 1993-жылы эки өлкө ортодогу чек араларын жапкан.
