Экинчи дүйнөлүк согуштун башталганынын 70 жылдыгына байланыштуу өткөн иш-чараларга катышуу үчүн Польшанын Гданск шаарында дүйнө лидерлери чогулду. 20 өлкөнүн, анын ичинде Орусия жана Германиянын лидерлери катышкан иш-чара таңга жуук башталды. Польшанын премьер-министри Доналд Туск нацисттик Германияны жеңүүдө жанын бергендерди эскерип сөз сүйлөдү. 1939-жылы, 1-сентябрда немис аскерлери Польшага чабуул жасаган. Бул окуя Экинчи дүйнөлүк согуштун башталышына түрткү болгон.
