Көз карандысыздык жана Ташкендин 2200 жылдыгына арналган кечээки сөзүндө Ислам Каримов Орусиянын Борбор Азиядагы тарыхый ролун сынга алып, 19-кылымда падышачыл Орусия Ташкенди бутага алганын, 1920-1930-жылдары Өзбекстандын калкы ачарчылыкка жана репрессияларга «баатырдык менен» туруштук бергенин билдирди. Каримов ошондой эле Экинчи Дүйнөлүк согушта Ташкен майданга уул-кыздарын жөнөтүп, СССРдин батышынан он миңдеген качкындарды кабыл алганын кошумчалады. Орусиянын Борбор Азиядагы ролу тууралуу талаштуу пикирлер көп экени маалым.