Фирмалар учу-кыйырсыз Кызыл-Кум чөлүндөгү жети уран кенин бургулоо үчүн ат салышмакчы. Өзбекстандын Мамлекеттик Геология жана минералдык ресурстар комитетинин жетекчиси Нариман Мавлянов кабарчыларга билдиргендей, өлкө келерки мартта жарыялана турган тендер үчүн бардык документтерди даярдап жатат. Соңку жылдары Жапония, Түштүк Корея менен уран экспорту боюнча келишим түзгөн Өзбекстан дүйнөдөгү эң ири 10 уран өндүрүүчүнүн тизмесине кирет.
