Акыркы эки айда Ирактагы кол салуулардын көбүн “ал-Кайида” террордук уюму ишке ашырган. Бул тууралуу АКШ күчтөрүнүн командачылыгы билдирди. Генерал Чарлз Жейкобинин айтымында, акыркы жылдары Ирактагы “ал-Кайида” уюму алсызданды. Кечээ (10-августта) Ирактын түндүгүндөгү күрддөр басымдуулук кылган кыштактардын биринде жанкечтинин кол салуусунан бери дегенде 22 киши набыт болуп, элүүгө жакыны жараат алды.
