"Интерньюс-Кыргызстан" уюму уюштурган быйылкы “Умтулуу” сынагында "Мыкты үналгы журналист" сыйлыгына “Азаттыктын” кабарчысы Элеонора Мамбетшакирова ээ болду. Бүгүн (11-сентябрда) Бишкек шаарында сыйлык тапшыруу аземи болду. Сынакта 120дан ашуун журналисттик чыгарма талданган. Элеоноранын "Эне сүтүнөн өтөөрү жок" деп аталган үналгы баяны иргелген чыгармалардын ичинен мыктысы деп табылды. Айтмакчы, 2005-жылы да "Азаттык үналгысынын" жамааты "Интерньюс-Кыргызстан" уюмунун жогорку байгесин утуп алган болчу. (КЕ)
