Балыкчыда КР кылмыш жаза кодексинин “президенттик шайлоону өткөрүүгө тоскоолдук кылган”, “Конституциялык түзүлүшкө шек келтирген” жана “баш-аламандык уюштурган” деген беренелери боюнча айып тагылып камакка алынган 14 кишинин иши 11-сентябрда каралып, сот мамлекеттик айыптоочу милдетинен баш тарткан прокурор Эрлан Мамыткановдун өтүнүчүн канааттандырып сотту шейшембиге жылдырган. Жума күнү БЭКтин төрагасы А.Атамбаев, штаб башчысы Азимбек Бекназаров жана ЖКдагы Социал демократтар фракциясынын 5 депутаты Балыкчыга барып камактагылардын жакындары менен жолугуп, укуктук жактан жана материалдык жардам беришерин билдиришти. (AJ)
