Өкмөттүн маалымат кызматынан алынган кабарга караганда, 16-сентябрда өкмөт башчы Игорь Чудинов АКШнын Кыргызстандагы толук ыйгарым-укуктуу элчиси Татиана Гфеллер айым менен жолугушат. Анда эки тараптуу кызматташууларга байланыштуу маселелер талкууланат. Белгилүү болгондой Кыргызстан менен АКШ Манас аба майданында Транзиттик борбор түзүү боюнча келишимге жетишкен. Ал келишимдин алкагында Вашингтон Бишкекке бир катар долбоорлорго каражат бөлүүгө милдеттенген.(AiT)
