Армения Түркия менен мамилелерди түзүү боюнча сүйлөшүүлөрдү ушул аптада баштайт. Бул тууралуу армян президентинин басма сөз өкүлү Сэмвел Фарманиян билдирди. Анын айтымында, эртең (17-сентябрда) президент Серж Саркисян бул маселени Армениянын саясий лидерлери менен талкуулайт. Августта Ереван менен Анкара дипломатиялык мамилелерди түзүү боюнча сүйлөшүүлөрдү баштай турганын билдиришкен.
