Бул тууралуу Жаштар иштери боюнча мамлекеттик департаментинен маалымдашты. Сыйлык 2007-2008-жылдардын жыйынтыгы боюнча 28 жашка чейинки мыкты адабият, маданият, искусство, спорт, архитектура жана башка тармактын өкүлдөрүнө он бир номинация боюнча ыйгарылат. Ошондой эле лауреаттарга 40 миң сомдон акчалай сыйлыктар да каралган. Чыңгыз Айтматов атындагы мамлекеттик жаштар сыйлыгынын башкы максаты - жаштар арасында патриоттуулукту, гумандуулукту көтөрүү жана өлкөнүн мыкты чыгармачыл жаштарын топтоо. (SA)
