“Эл өкүлдөрү. Элдин таламын талаша турган парламент өздөрүнүн кесиптешине, Кыргыз Республикасынын Жогорку Кеңешинин депутатына, сен башка партиядансың, сени биз минтип коюбуз деген мамиледен улам, бул Кыргызстан чынында эле бир үй-бүлөнүн колундагы өлкөгө айланып калганы байкалды. Парламент бир үй бүлөнүн парламенти экендигин тастыктады”,-дейт Бекназаров. Ал ошондой эле Балыкчыдагы сот жараянына катышып жүрүп депутат Кубанычбек Кадыровдун күнөөсү жок экендигине ынанганын билдирди. Жогорку Кеңештин “Ак жол” фракциясынан депутат Нурбүбү Керимова болсо президенттик шайлоо күнү Балыкчыдагы окуяга күбө болгондугун, депутат мыйзам чыгаруучу адам болгондон кийин, мыйзамды сактап башкаларга өрнөк болушу керектигин айтты. (AJ)
