Бүгүн облус аймагында Орозо айт майрамы белгиленди. Эртең менен бардык мечиттерде эркек кишилер Орозо айт майрамынын намазына жыгылышты. Облустун казысы Абибилла ажы Бапанов аларды айты менен куттуктап, эл менен мамлекетке тынч өнүгүүнү каалады. Калкынын 95 пайызы ислам динин туткан облуста расмий түрдө 449 мечит катталган. Жалал-Абат – Сузак унаа жолунун боюнда облустук жаңы мечит курулууда. Серепчилердин байкоосунда аймакта мектептерге караганда мечиттер басымдуулук кылууда. Жалал-Абат, Сузак, Базар- Коргон, Ноокен, Ала- Бука аймактарында ислам дүйнөсүнө таандык болгон бети- башын чүмкөгөн аялдар менен чач-сакалын өстүрүп, ак жэгде- дамбал кийген адамдар көбөйүүдө. (YA)
