Анда Human Rights Watch уюму жана Ирандагы адам укугун коргогон эл аралык компания бул өлкөдө президенттик шайлоодон кийинки укук бузууларды иликтөө үчүн атайын элчи дайындоону Улуттар уюмунан өтүнүшкөн. Укук коргоочулардын ырасташынча, шайлоодон кийин башталган нааразылык акциялары маалында демонстранттар менен полициянын кагылышуусунан бери дегенде 72 киши набыт болгон. Укук коргоочулардын маалыматына ылайык, камакка алынган оппозиция тарапкерлери абактарда кыйноолорго дуушар болгон. Иран бийлиги мындай дооматтарды негизсиз деп четке какты.
