Өлкөнүн түндүгүндөгү Калаис шаарына жакын жердеги лагерде 200дөй киши жашачу. Көпчүлүгү оогандык эркектер, жаш балдар экени айтылды. Бүгүн таң эртелеп, полиция ал жерди жок кыла баштаганда, мигранттар каршылык көрсөтүп, айрымдары камалганы да кабарланып жатат. “Жунгли” деп аталып калган бул лагерде мигранттар начар санитардык шарттарда убактылуу жашап, кийин Британияга көчүүгө аракет кылып келишкен.
