Кыргызстандагы уу зат калдыктарын сактоочу жайлар Борбор Азия аймагы үчүн өзгөчө коркунуч жаратууда. Бул тууралуу премьер-министр Игорь Чудинов БУУнун Башкы ассамблеясынын климаттын өзгөрүү проблемаларына арналган Нью-Йорк сессиясында сүйлөгөн сөзүндө айтты. Бул коркунучтун күчөшүн жаратылыш кырсыктары, суу ташкындары аймакта экологиялык катастрофага алып барышы ыктымал деп билдирди Чудинов. Кыргыз өкмөт башчысы климаттын өзгөрүшүнүн экономикага, социалдык тармакка тийгизген таасирин жумшартуу багытында Кыргызстан жаңы саясат иштеп жаткандыгын да белгиледи.(BuS)
