Кыргызстан-Орусия парламенттер аралык ассамблеясынын 2-отуруму Чолпон-Атада өткөнү жатат. 29-сентябрга белгиленген бул отурумда эки өлкөнүн парламент мүчөлөрү Кыргызстандын Орусияга карызын “Дастан” ишканасынын 48% акциясын берүү аркылуу жабуу жөнүндөгү, Камбар-Ата ГЭСинин курулушуна бөлүнчү Орусия кредити жөнүндөгү макулдашуулардын аткарылышы талкууланат. Ошондой эле бул отурум эки өлкөдө убактылуу жашап-иштеген кыргызстандык жана орусиялык жарандардын укуктук макамын да карайт. Мындай маалымат Парламенттер Аралык Ассамблеянын катчылыгынан алынды. (BuS)
