2-октябрда Ишеналы Арабаев атындагы университетте Билим жарманкеси өтөт. Батыш өлкөлөрүндө көп тажрыйбаланган бул иш-чарага Кыргызстандагы АКШнын элчиси, Билим министрлигинин жана эл аралык уюмдардын өкүлдөрү катышмакчы. Эл аралык билим боюнча адис Аскарбек Мамбеталиевдин маалымдашынча, жарманкеде студенттер өнүккөн өлкөлөрдөгү билим берүү системасы менен кеңири таанышып, чет өлкөдө окуусун улантууга мүмкүнчүлүк берген программалар тууралуу маалымат алышат. (EBM)
