Эки өлкө мунай менен газга бай Каспийдеги чек арасы боюнча диалогду улантаары жөнүндө Ашхабаддан чет элдик журналисттерге түркмөн президенти Гурбангулы Бердымухаммедов билдирди. Бирок ал Ашхабад талашты эл аралык арбитраждык сотко алып чыгууга даяр экенин да кошумчалады. Түркмөнстан менен Азербайжан суу түбүндөгү энергия байлыктарга ээлик маселесин макулдашууну көздөгөн сүйлөшүүлөрүнө жыл башында киришкен. Негиз талаш Каспийдин борбордук бөлүгүндөгү мунай кенге байланыштуу. Азербайжан ал кенди өз тарабынан өздөштүрө баштаган.
