Жогорку Кеңештин депутаты Дамира Ниязалиева “Азаттыкка” абакта ВИЧ илдетине чалдыккан адамдардын сексен пайызы бул ооруну ийне аркылуу жуктуруп алаарын билдирди. Азыр Кыргызстандагы үч абакта метадон менен дарылоо жүргүзүлүп жатканын айтты. Бүгүн ВИЧ/СПИДдин алдын алуу боюнча Борбор Азия жана Азербайжан парламенттери аралык жыйыны өттү. Анда бул илдетке каршы күрөшүүнүн натыйжалуу жолдору талкууланды.
