АКШнын Мамкатчысы орус бийликтерин Иранга анын ядролук программасы боюнча кысым көрсөтүүгө чакырды. Орусияга кечээ келген Клинтон тышкы иштер министри Сергей Лавров менен жолукту, бүгүн президент Дмитрий Медведев менен сүйлөшүү жүргүзүүдө. Америкалык өкүлдөрдүн айтымында, Клинтон орустарды эгер Тегеран ядролук программасы тынчтык максатта экендигин далилдей албаса, Иранга конкреттүү формада кысым көрсөтүүнү суранмакчы. Күн тартибинде Ооганстан, ракетадан коргонуу, Түндүк Корея да бар.
