Чөл менен 3 миң чакырым өтүүчү жеңил машиналар Австралиянын түндүгүндөгү Дарвин шаарынан жолго чыгышты. 32 спортчуну Түштүк Австралиядагы Аделаида шаарында келерки бейшемби 29-октябрда күтүшөт. Дүйнөлүк Күн Энергиясы уюмунун маалымат катчысы Майк Дрюэрдин айтымында, кечээ саатына 91 чакырым жүргөн «Аврора 101» деген австралиялык автомобил дароо алга озуп кетти. Артынан саатына 85 чакырым жүргөн голландиялык «Нуна5» келатат. Күндүн энергиясы менен жүргөн бул машиналар кечинде жол боюнда токтоп, күндүзү тогуз сааттан жол жүрүшөт.
