Жыл башынан бери өткөн тогуз айда дубандан төрөт учурунда төрт эне каза болгон. Дарыгерлердин кеп-кеңештерин көңүл сыртында калтырып коюшканы үчүн алардын өмүрүн сактоого мүмкүн болгон эмес. Ошондой эле соңку учурда укук коргоо органдарына сурагына алынган акушер-гинекологдор кысымга чыдабай иштерин таптап кетип жатышкан көрүнүштөр да көбөйдү. Быйыл эле 34 акушер-гинекологдун 14 жумуштарын таштап кетишти. Бул фактыларды төрөттөн өлгөн энелер маселесине арналган тегерек үстөл жыйынында облустук үй-бүлөлүк медицина борборунун деректири Кыял Мамбеталиев билдирди. Анын маалыматында, Нарын облусунда дарыгерлердин камсыздалышы 65 пайызды түзөт, же башкача айтканда 221 дарыгер жетишпейт. (KUs).
