Бул тууралуу Караколдон Азимбек Бекназаров билдирди. Белгилүү болгондой Балыкчы окуясы боюнча айыпталгандар жана алардын адвокаттары ишти карап жаткан Балыкчы шаардык сотунун төрагасы Болот Дүйшөмбиевге ишеним көрсөтпөй турганын билдиришкен. Арызды Ысык-Көл облустук соту бүгүн карап, канааттандырган жок. Адвокаттар Ысык-Көл облустук сотунун чечимин жокко чыгаруу үчүн Жогорку Сотко арыз менен ошол жерден эле кайрылышканын, Азимбек Бекназаров белгиледи.
23-июлдагы Балыкчыдагы окуя боюнча Алмазбек Атамбаевдин 19 тарапкери кармалып, аларга Конституциялык түзүлүштү күч менен өзгөртүүгө аракет жасаган, массалык баш-аламандык уюштурган деген айыптар коюлган. Оппозиция Балыкчыдагы сотту саясий куугунтук катары баалап келатат.(AiT)
23-июлдагы Балыкчыдагы окуя боюнча Алмазбек Атамбаевдин 19 тарапкери кармалып, аларга Конституциялык түзүлүштү күч менен өзгөртүүгө аракет жасаган, массалык баш-аламандык уюштурган деген айыптар коюлган. Оппозиция Балыкчыдагы сотту саясий куугунтук катары баалап келатат.(AiT)
