Бишкек шаар мэриясынын “Азаттыкка” берген маалыматына караганда жылуулукту берүү 9-ноябрдан 10-ноябрга оогондо башталат. Жылуулук адегенде төрөт үйлөргө, ооруканаларга, балдар үйлөрүнө, мектептерге, анын соңунан турак үйлөр менен ишкана, мекемелерге берилет. Мындай чечимди Бишкек шаар мэриясы 6-ноябрда чыгарган. Ага ылайык шаардыктарды жылуулук менен камсыздоо иш-чараларын “Бишкек жылуулук тармактары”, “Бишкек жылуулук энерго”, “Бишкек ТЭЦ” ишканалары жүргүзүүдө. (BuS)
