Бул тууралуу кечээ казак тышкы иштер министрлиги билдирди. Эки тарап өз жарандарына гана чек арадан өтүп, үйүнө кайтуусуна жол берүүдө. Чек ара эмне себептен жабылганы тууралуу эки өлкөнүн расмий өкүлдөрү тарабынан кошумча маалымат айтылган жок. Бирок казак тышкы иштер министрлигинин өкүлү Ержан Ашыкбаев кечээги басма сөз жыйынында “бул казак тараптын демилгеси эмес” экендигин белгиледи. Интерфакс маалымат агенттигинин кабарына караганда, казак -өзбек чек арасы өткөн аптадан бери эле жабык турат.
