“Иранда адам укугун коргоо боюнча эларалык жараян” деп аталган уюм өлкөдө ондогон студенттер камакка алынганын айтып чыкты. Буга чейин бийликтер жаштарды 7-декабрда өтө турган "студенттер күнүндө" демонстрацияга чыкпоого үндөгөн эле. Оппозициянын айрым активисттери бул күнү да 12-июндагы президенттик шайлоодон кийинкидей ири демонстрацияга чыгышаарын айтышкан. Ондогон студенттер камакка алынганын укук коргоочу уюмдан сырткары айрым интернет-сайттар да кабарлап жатышат.
