Ооган президенти Хамид Карзай жана АКШ мамлекет башчысы Барак Обама Вашингтондун Ооганстан боюнча жаңы стратегиясын телефондон талкуулашты. Карзайдын маалымат катчысы видеобайланыш бир саатка созулганын кабарлады. Обама бүгүн кечинде Нью-Йорк штатындагы аскерий Академияда сөз сүйлөмөкчү. Айрым маалыматтарга караганда, президент Ооганстанга кошумча 30 миңдей аскер жиберүү чечимин жарыялашы мүмкүн. Андай болсо, америкалык контингенттин саны ал жерде 100 миң кишиге жетмекчи.
