Кабулдун борборунда болгон жардыруудан 8 адам каза таап, 40 адам жаракат алды. Капсалан мейманкананын жанында болду, анын айланасында өкмөттүк жана чет элдик уюмдардын кеңселери бар. Ооган президенти Хамид Карзайдын айтымында, жардыруу мурдагы биринчи вице-президент Ахмед Зии Массуддун үйүнүн жанында жасалды, каза тапкандардын арасында анын күзөт кызматынын эки сакчысы бар. «Азаттыктын» ооган кызматына чалган адам жардырууну Талибан жасаганын, бутага дал ошол мурдагы вице-президенттин үйү алынганын билдирди.
