Бүгүн НАТОнун баш катчысы Андерс Фог Расмуссен Москвада Орусия президенти Дмитрий Медведев менен жолугушуу маалында Орусияны Ооганстан боюнча келечектеги милдеттерине чакырды. Анын айтымында, ооган маселесинде Орусиянын четте калышы Борбор Азиядагы терроризмди күчөтөт. Д.Медведев өз кезегиде НАТО менен ооган маселеси боюнча иштешүүгө сөз берди. Расмуссен 2008-жылдын августтунда болгон орус-грузин чатагынан кийин НАТОнун атынан биринчи жолу Москвага келип отурат.
